Największy na świecie niekomercyjny serwis geocachingowy
GeoŚcieżki - skupiające wiele keszy
Ponad 1000 GeoŚcieżek w Polsce!
Pełne statystyki, GPXy, wszystko za darmo!
Powiadomienia mailem o nowych keszach i logach
Centrum Obsługi Geokeszera wybierane przez Społeczność
100% funkcjonalności dostępne bezpłatnie
Przyjazne zasady publikacji keszy
You have to be logged-in in order to perform operations on this cache.
stats
Show cache statistics
Jedna wieża - OP14AD
dziadku, czymu łoni kradnom te cegły...?
Owner: Saracen
Please log in to see the coordinates.
Altitude: 258 m. ASL.
 Region: Poland > śląskie
Cache type: Multicache
Size: Small
Status: Archived
Time required: 0:30 h    Distance to travel: n/a
Date hidden: 08-11-2008
Date created: 08-11-2008
Date published: 08-11-2008
Last modification: 09-10-2010
18x Found
1x Not found
3 notes
watchers 8 watchers
5 visitors
17 x rated
Rated as: Excellent
7 x recommended
This cache is recommended by: angelo, aniakalyna, art_noise, asienkaaas, Dobranocka, Doczu, Tati
In order to view coordinates and
the map of caches
you must be logged in
Cache attributes

Dangerous Cache  Monumental place 

Please read the Opencaching attributes article.
Description PL

 

 

 

"Dziadku, a my po co my tu przyjechali..?"

"Bo jo tu 30 lot robioł, tu sam kiedyś normalno huta była..., terozki tygo niy widać, ale godom ci była..tak żech ci chcioł ino pokozać"

"Ale jako huta dziadku, tako co tu ludzie do roboty przichodzili?"

"No ja! To sie godało cynkownia Szopienice, ale normalnie w papierach stoło Huta Metali Nieżelaznych, łona bardzo staro była, jeśli dobrze pamiyntom to z 1834 roku. A piykno, cało z czyrwonej cegły, najwiynkszo na Śloncku, godom ci... Terozki jak na to patrza to jo som tego nie poznaja..."

"Dziadku, a co łoni tam robiom, czymu łoni kradnom te cegły...?"

"Bo takich cegieł to już terozki ni ma, mocne, dobre, stare cegły...Bydom siy mogli piykne domy pobudować. Terozki jak ludzie robota stracili to przyłażom tukej na czorno robić i rozbierajom wszisko co zostało, robiom sam jeszcze złomiarze, ale tak jak patrza to już niy ma co..."

"Dziadku a tam co stoi, co to za wieża...?"

"Tako jedna.To jest wieża wodno, tyż staro, chyba z 1913, tyż sie cało rozpado, pieruńskie złomiarze nawet schody zabrali, ale co tu dużo godać, jak mogli wlyźć to i mogli zabrać, jakby te pieruny krawociorze z Warszawy niy wymyślili se że Huta zamykajom to by to wszisko dalyj takie piykne było...Akcjonariusze niby, ach że sie niy moga przi tobie zaklonć..."

"Dziadku a tu jeszcze jakiś jeden budynek stoi - tyż go rozbiorom?"

"No jo myśla że niy. Przecież to zabytek jest, ale gowy siy niy dom obcionć. Może sam chcom jekieś centrum handlowe zaś wybudować, nastypnego pieruńckigo Aldika... Zobocz sie na dach tygo budynku, widzisz to, ja? Cołki dach jest przikryty drewnem, mo takie jakby dachówki drewniane - jak siy to godo...hmm... gonty chyba..., a tyn zygor jaki gryfny, jo go pamiyntom jak żech tu robota zaczinoł to już z daleka żech widzioł żech się spóźnioł i że zaś majster bydzie ryceć... ach jak sie to wspomino..."

"Dziadku, a tam sie chyba światło świyci, tam coś jeszcze jest?"

"Ja, tam chyba jeszcze coś jest, do niedowna tu byli strażoki, jednostka ratownicza, jakby sie coś w hucie stało, bo wiysz tam piece, łogiyń, to o pożar łatwo... to łoni zarozki na miyjscu byli... Zobocz siy sam jeszcze tabliczka jest ..."

"Mie sie tu podobo, szkoda że już za niedugo nikt tygo nie zoboczy..."

"Mosz recht, rozbiorom wszistko. Jo żech czytoł w tym twoim internecie niy dawno że jest taki dings, co go można sam schować jak sie chce komuś coś fajnygo pokozać... jo niy pamiyntom jak to sie godo po angiylsku, ale po naszymu to normalno krzinka jest... To sie potym wysyło kaś tam do tego internytu i jak kogoś to interesuje to sie może przijechać, zdjyncia porobić no i ta krzinka znaleźć..."

"I ty byś chcioł ta krzinka tu schować, jo to wiydzioł, że chodzi o giepsa, bo ty ni mosz...dowej dziadek chowomy..."

"Ja,to możesz tu zaznaczyć kaj my autem stoneli...mosz, ja?"

"Mom..."

"To napisz że tu tyż siy mogom stanonć, a reszta to już muszom wykombinować..."

"Ja dziadek, ale tak to niy znajdom, jo im tu napisza drugo wskazówka..."

"Kaj?"

"Sam przi aucie, na metalu jak napisza te nastypne współrzyndne to kożdy znojdzie, ani się schylać, ano wspinać niy trzeba..."

"Dobra to pisz i puć dali, pokoża ci, bo teroz niy widać, ale sam tu kiedyś piece były, zobocz tam kaj ten komin stoi..."

"Tu dziadku moga nastypno zagadka zrobić, ino kaj to zapisać...?"

"Czekej jo to zarozki wymyśla, jak prawdziwy Indiana Dżons, pacz sie za tom cegłom...  "

"Dziadku ty mosz jednak łeb...!"

"Puć terozki dali - tam schowomy prawdziwo krzinka, tako nie za dużo, żeby wlazła to tej dziury...Zrobimy tak żeby jom mozna było z dwóch stron wyjonć, żeby siy komuś na łeb nic posypało..."

 

 

 

 

Pictures
tak to wyglondało...
jeszcze stoi..
...
jedna wieża...
Log entries: Found 18x Not found 1x Note 3x Picture 5x All entries Gallery