Downo, downo tymu, jak godo moja oma „za Wilusia”, boła tako lygynda.

W pieruny zło królowo, co mioła gorolskie pochodzynie, zakozała pić ludziom na ślunsku mlyko.

Kożdy musioł cołkie mlyko zowozić ino do niyj. Nawet krowy boły zesztresowane. Ta pieruna słepała to mlyko bo chciała być gryfno i nikomu nie dowała, co by żodno frela nie boła fest gryfnijszo łod niy. Chcioła co by wsziskie karlusy ino jyj pszajali.

Jedyn chop, co mioł richtich żadno baba, tak siy fest wkurził, że polecioł do wróżki Hyjdli i jej godo:

„Te Hyjdla, co ta pierońsko baba wyprawio? Moja staro jest już tako żadno, że niy moga na nia paczyć. No nie szczimia dali. Nosz pies tyż już ucieko łod niyj. „

„Słuchej no Jorgel, dom Ci takie łodacydło co żech zrobioła ze ziół, że jak wciepniesz rań do rzeki, do tyj łonyj, co leci sam za lasem, to siy na chwila zamieni w rzeka mlyka. Ino pamiyntej Jorgel, ino na chwila. Niy godej nikomu, bo zarozki przylecom sam inne chopy i siy bydom ciepać jak magiwyrfel w mlycznyj zupie, żech ino tobie to dała, ale wiysz Jorgel, Ty mosz richtich żadno ta baba i siy nad tobom zlituja…”

Jorgel wzion kana na mlyko, wzion to łonacydło od Hyjdli i ciśnie nad rzyka.

Ciśnie po ciymku, co by go żodyn nie przyfilowoł.  Wciepnął rań do rzyki łonacydło. Seka łoziym i rzyka zrobioła się cołko pełno mlyka. Pocis do staryj z tym mlykiem, ta wysłepała cało kana i łod razu siy gryfniyjszo zrobioła. Jorgel po roz piyrszy od 3 lot zjod łobiod bez heftowania w ańfarcie jak siy na swoja staro przi stole paczoł.

Inne chopy tyż przyfilowali, że staro łod Jorgla je bardzij gryfno niż wczoryj. Zgodali siy, że bydom za nim łazić i wyłonacom, co Jorgel poradzioł.

Jorgel ciśnie juzaś nad rzyka z kaną i już mo wciypnonć  łonacydło rań … jak usłyszoł jakieś larmo. Schowoł siy pod mostem, kana cisnął za winkel, kajś na środku kaj nojwiynkszy ćmok i udaje, że fisze chyto.

„Ty ciulu kaj mosz wyndka?”

„Chopy pierunie ni mom, jo chcioł ino mieć trocha bardzij gryfno staro…, dejcie mi pokój…”

„Pokoż co mosz w kabzi…”

„To je łonacydło od Hyjdli, co by się rzyka w mlyko zamieniła…”

Chopy zrobili haja na cołko okolica, wciepli rań cołkie łonacydło od Hyjdli i łod tamtyj pory ta rzyka nazywo siy mlyczno.

Łod tamtyj pory tyż najprowdziwszom prowdom jest, że najgryfniejsze frelki som sam na górnym ślunsku, a na dowód że ta lygynda je prawdziowo, kana od Jorgla dali je tam kaj jom schowoł…”

Skrzynka jest częścią Projektu Oberschlesien.
Nie zapomnij o spisaniu kodów do skrzynki finałowej.

Projekt założony za zgodą i w porozumieniu z Nadleśnictwem Katowice.

Skrzynka w opakowaniu zastępczym, mam nadzieję, że czasowo. Przepraszam szanownych szukaczy;)